ಬೆಳಗಾವಿ : ರಾಜ್ಯದಲ್ಲಿ ಕಳೆದ ತಿಂಗಳಿನಿಂದ ವಿದ್ಯುತ ದರ ಏರಿಕೆ ಮಾಡಿ ಬಾಕಿ ಮೊತ್ತದ ಸಮೇತ ಬಿಲ್ ನೀಡುವಲ್ಲಿ ಎಲ್ಲ ವಿದ್ಯುತ ಸರಬರಾಜು ಕಂಪನಿಗಳು ಮಗ್ನವಾಗಿವೆ. ಆದರೆ ಬಿಲ್ ಮಾತ್ರ ಸುಮಾರು ಪಟ್ಟು ಹೆಚ್ಚು ಬಂದಿರುವದರಿಂದ ಎಲ್ಲರೂ ದಂಗಾಗಿ ಹೋಗಿದ್ದಾರೆ. ಈಗ ಆಶ್ಚರ್ಯ ಚಕಿತರಾಗುವ ಸರದಿ ವಿಟಿಯು ಉಪಕುಲಪತಿ ಹಾಗೂ ಸಿಬ್ಬಂದಿಯದ್ದು. ನಿಗಧಿಗಿಂತ ಸುಮಾರು ಪಟ್ಟು ಹೆಚ್ಚು ವಿದ್ಯುತ ಬಿಲ್ ಬಂದಿದ್ದು, ಬರೋಬ್ಬರಿ ಸುಮಾರು 18 ಲಕ್ಷಕ್ಕೂ ಅಧಿಕ ವಿದ್ಯುತ ಬಿಲ್ ಬಂದಿದೆ.
ಗೃಹ ಜ್ಯೋತಿ ಯೋಜನೆಗೆ ಅರ್ಜಿ ಸಲ್ಲಿಸಲು ಸಾರ್ವಜನಿಕರಿಗೆ ಸರ್ವರ್ ಸಮಸ್ಯೆ ಕಾಡುತ್ತಿದ್ದರೆ, ವಿದ್ಯುತ್ ಬಿಲ್ ಹೆಚ್ಚಳದಿಂದ ಕೈಗಾರಿಕಾ ಕಂಪನಿಗಳು ರಾಜ್ಯಾದ್ಯಂತ ಪ್ರತಿಭಟನೆ ನಡೆಸಲು ಮುಂದಾಗಿವೆ. ಇದರ ನಡುವೆ ಬೆಳಗಾವಿಯಲ್ಲಿರುವ ಪ್ರತಿಷ್ಠಿತ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ ಈ ತಿಂಗಳ ಬರೋಬರಿ ಬಿಲ್ 5 ಲಕ್ಷ ರೂ. ಹೆಚ್ಚುವರಿಯಾಗಿ ಬಂದಿರವುದು ಆಡಳಿತ ಮಂಡಳಿ ಹುಬ್ಬೇರಿಸುವಂತೆ ಮಾಡಿದೆ.
ವಿಟಿಯು ಕುಲಪತಿ ಪ್ರೊ. ವಿದ್ಯಾಶಂಕರ್ ವಿದ್ಯುತ್ ಬಿಲ್‌ನಿಂದ ಶಾಕ್‌ಗೆ ಒಳಗಾಗಿದ್ದಾರೆ. ಕರ್ನಾಟಕ ವಿದ್ಯುತ್ ಚ್ಛಕ್ತಿ ನಿಯಂತ್ರಣ ಆಯೋಗದಿಂದ ವಿದ್ಯುತ್ ದರ ಏರಿಕೆ ಹಿನ್ನಲೆಯಲ್ಲಿ ವಿದ್ಯುತ್ ದರ ಏರಿಕೆಯಿಂದ ಬೆಳಗಾವಿಯ ವಿಟಿಯುಗೆ 5 ಲಕ್ಷ ರೂ ಹೆಚ್ಚುವರಿ ಬಿಲ್ ಬಂದಿದೆ.
ರಾಜ್ಯದ ಐದು ಕಡೆ ವಿಭಾಗೀಯ ಕೇಂದ್ರಗಳನ್ನು ಹೊಂದಿರುವ ವಿಟಿಯು ವಿಭಾಗೀಯ ಕೇಂದ್ರ ಹಾಗೂ ವಿಟಿಯು ಕ್ಯಾಂಪಸ್ ಸೇರಿ ಜೂನ್ ತಿಂಗಳಲ್ಲಿ 35 ಲಕ್ಷ ಬಿಲ್ ಬಂದಿದೆ. ಬೆಳಗಾವಿಯಲ್ಲಿರುವ ವಿಟಿಯು ಕ್ಯಾಂಪಸ್‌ದಷ್ಟೇ ಈ ತಿಂಗಳು 18 ಲಕ್ಷ ಬಿಲ್ ನೀಡಿದ ಹೆಸ್ಕಾಂ ಸಿಬ್ಬಂದಿ. ವಿಟಿಯು ಮುಖ್ಯ ಕ್ಯಾಂಪಸ್ ಸೇರಿ 6 ವಿಭಾಗೀಯ ಕೇಂದ್ರಗಳ ಮೇ ತಿಂಗಳ ವಿದ್ಯುತ್ ಬಿಲ್ 35 ಲಕ್ಷ ಬಂದಿದೆ.
ಮಾರ್ಚ್ ತಿಂಗಳಲ್ಲಿ 25,56,928 ರೂ, ಎಪ್ರಿಲ್ ತಿಂಗಳಲ್ಲಿ 25,29,021 ರೂ, ವಿದ್ಯುತ್ ಬಿಲ್ ಪಾವತಿಸಿದ್ದ ವಿಟಿಯು, ಮೇ ತಿಂಗಳಲ್ಲಿ ವಿಶ್ವೇಶ್ವರಯ್ಯ ತಾಂತ್ರಿಕ ವಿವಿಗೆ 35,05,869 ಬಿಲ್ ನೀಡಿರುವ ಹೆಸ್ಕಾಂ. ಏಕಾಏಕಿ 10 ಲಕ್ಷ ಬಿಲ್ ಬಂದಿರುವುದಕ್ಕೆ ಕಂಗಾಲಾಗಿರುವ ವಿಟಿಯು ಆಡಳಿತ ಮಂಡಳಿ. 10 ಲಕ್ಷ ಹೆಚ್ಚುವರಿ ಬಿಲ್ ಬಂದಿರುವುದಕ್ಕೆ ಹೆಸ್ಕಾಂಗೆ ಪತ್ರಬರೆಯಲು ವಿಟಿಯು ಮುಂದಾಗಿದೆ. ಅಲ್ಲದೆ ಗೊಂದಲ ಬಗೆಹರೆದ ಬಳಿಕವಷ್ಟೇ ಹೆಸ್ಕಾಂಗೆ ವಿದ್ಯುತ್ ಬಿಲ್ ಪಾವತಿಸಲು ವಿಟಿಯು ನಿರ್ಧಾರ ಮಾಡಿದೆ.
