ಅಭ್ಯರ್ಥಿಯು ತಮ್ಮ ಠೇವಣಿ ಉಳಿಸಲು ಎಷ್ಟು ಮತಗಳ ಅಗತ್ಯವಿದೆ

ಕರ್ನಾಟಕ ವಿಧಾನಸಭೆಗೆ ಕಳೆದ ದಿ. ೧೦ ಮೇ ೨೦೨೩ ಮತದಾನ ನಡೆದಿದ್ದು, ಪ್ರಜಾಪ್ರತಿನಿಧಿ ಕಾಯ್ದೆ 1951ರ ಸೆಕ್ಷನ್ 158 ರ ಪ್ರಕಾರ ಒಂದು  ವಿಧಾನಸಭಾ ಕ್ಷೇತ್ರದಿಂದ ಚುನಾವಣೆಯ ಸಂದರ್ಭದಲ್ಲಿ ಚುನಾವಣಾ ಆಯೋಗವು 10,000/- ರೂ.ಗಳನ್ನು (ಪರಿಶಿಷ್ಟ ಜಾತಿ ಅಥವಾ ಪರಿಶಿಷ್ಟ ಪಂಗಡಕ್ಕೆ ಸೇರಿದ ಅಭ್ಯರ್ಥಿಯ   ಠೇವಣಿ ಕೇವಲ ಅರ್ಧದಷ್ಟು ಇರುತ್ತದೆ.) ಭದ್ರತಾ ಠೇವಣಿಯನ್ನಾಗಿ ಇಟ್ಟುಕೊಳ್ಳುತ್ತದೆ. ನಿಯಮಗಳ ಪ್ರಕಾರ – “ಮತದಾನದ ಒಟ್ಟು ಮತಗಳ 1/6 ಕ್ಕಿಂತ ಕಡಿಮೆ ಮತಗಳನ್ನು ಪಡೆದ ಯಾವುದೇ ಅಭ್ಯರ್ಥಿಯ ಭದ್ರತಾ ಠೇವಣಿಯನ್ನು ಆಯೋಗವು ಜಪ್ತಿ ಮಾಡಿಕೊಳ್ಳುತ್ತದೆ. ಇದು ಸೇವಾ ಹಾಗೂ ಮನೆಯಿಂದ ಮಾಡಲಾದ ಮತದಾನದ ಮತವನ್ನು ಸಹ ಒಳಗೊಂಡಿರುತ್ತದೆ.

ಶೇ. ಮತದಾನದ ಒಟ್ಟು ಮತದಾರರ ನಿಜವಾದ ಮತಗಳು ಠೇವಣಿ ಮುಟ್ಟುಗೋಲು ತಪ್ಪಿಸಲು ಅಗತ್ಯವಿರುವ ಕನಿಷ್ಠ ಮತಗಳು

ಕ್ರ ಸಂ.	ಕ್ಷೇತ್ರ	ಶೇಕಡಾವಾರು	ಒಟ್ಟು ಮತಗಳು	ಚಲಾವಣೆಯಾದ ಮತಗಳು	ಅಭ್ಯರ್ಥಿ ಪಡೆಯಬೇಕಾದ ಮತಗಳು
1	ಬೆಳಗಾವಿ ಉತ್ತರ	59.53	248525	149338	24890
2	ಬೆಳಗಾವಿ ದಕ್ಷಿಣ	63.4	245324	157788	26298
3	ಬೆಳಗಾವಿ ಗ್ರಾಮೀಣ	78.7	253678	203241	33874

ಆದ್ದರಿಂದ ಅಭ್ಯರ್ಥಿಯು ತನ್ನ ಠೇವಣಿ ಉಳಿಸಿಕೊಳ್ಳಲು ಆಯೋಗವು ಸೂಚಿಸಿದ ಕನಿಷ್ಠ ಮತಗಳನ್ನು ಪಡೆಯಲೇಬೇಕಾಗುತ್ತದೆ. ಅದರಂತೆ ಬೆಳಗಾವಿ ಉತ್ತರದಲ್ಲಿ ಕನಿಷ್ಠ 24,890, ದಕ್ಷಿಣದಲ್ಲಿ 26,298 ಮತ್ತು ಗ್ರಾಮೀಣ ಕ್ಷೇತ್ರದಲ್ಲಿ 33,874 ಮತಗಳನ್ನು ಪಡೆಯಬೇಕೆಂಬುದು ಸ್ಪಷ್ಟ.

ಕ್ರ ಸಂ.	ಕ್ಷೇತ್ರ	ಚಲಾವಣೆಯಾದ ಮತಗಳು	ಅಭ್ಯರ್ಥಿ ಪಡೆಯಬೇಕಾದ ಮತಗಳು
4	ನಿಪ್ಪಾಣಿ	187317	31220
5	ಚಿಕ್ಕೋಡಿ-ಸದಲಗಾ	182530	30422
6	ಅಥಣಿ	190910	31818
7	ಕಾಗವಾಡ	160889	26815
8	ಕುಡಚಿ	148908	24818
9	ರಾಯಬಾಗ	164273	27379
10	ಹುಕ್ಕೇರಿ	167183	27864
11	ಅರಭಾವಿ	189749	31625
12	ಗೋಕಾಕ	188653	31442
13	ಯಮಕನಮರಡಿ	165932	27655
14	ಖಾನಾಪೂರ	160093	26682
15	ಕಿತ್ತೂರ	154977	25830
16	ಬೈಲಹೊಂಗಲ	150654	25109
17	ಸವದತ್ತಿ ಯಲ್ಲಮ್ಮ	161827	26971
18	ರಾಮದುರ್ಗ	153106	25518

ಠೇವಣಿಯನ್ನು ಮರುಪಾವತಿಸಿದಾಗ –

ಅಭ್ಯರ್ಥಿಯು ಸೋಲಿಸಲ್ಪಟ್ಟರೂ ಕೂಡ ಮಾನ್ಯವಾದ ಅಂಚೆ ಮತಗಳನ್ನು ಒಳಗೊಂಡಂತೆ ಕ್ಷೇತ್ರದಲ್ಲಿ ಚಲಾವಣೆಯಾದ ಒಟ್ಟು ಮಾನ್ಯವಾದ ಮತಗಳ ಆರನೇ ಒಂದು ಭಾಗಕ್ಕಿಂತ ಹೆಚ್ಚಿನದನ್ನು ಪಡೆಯಬೇಕು.

(i) ಅಭ್ಯರ್ಥಿಯು ತಮ್ಮ ನಿಧಿಗೆ ಅರ್ಹರಾಗಲು ಒಟ್ಟಾರೆಯಾಗಿ ಕ್ಷೇತ್ರದಲ್ಲಿ ಪಡೆದ ಒಟ್ಟು ಮಾನ್ಯವಾದ ಮತಗಳಲ್ಲಿ ಆರನೇ ಒಂದು ಭಾಗಕ್ಕಿಂತ ಹೆಚ್ಚಿನದನ್ನು ಪಡೆದಿರಬೇಕು.

(ii) ಅಭ್ಯರ್ಥಿಯು ಚಲಾವಣೆಯಾದ ಮಾನ್ಯವಾದ ಮತಗಳ ಸಂಖ್ಯೆಯಲ್ಲಿ ನಿಖರವಾಗಿ ಆರನೇ ಒಂದು ಭಾಗವನ್ನು ಪಡೆಯದಿದ್ದರೆ, ಠೇವಣಿ ಹಣವನ್ನು ಹಿಂತಿರುಗಿಸಲಾಗುವುದಿಲ್ಲ.

(iii) ಅಭ್ಯರ್ಥಿಯು ಚುನಾಯಿತರಾಗಿದ್ದರೆ, ಅವರು ಮಾನ್ಯವಾದ ಮತಗಳ ಆರನೇ ಒಂದು ಭಾಗಕ್ಕಿಂತ ಹೆಚ್ಚಿನದನ್ನು ಗಳಿಸದಿದ್ದರೂ ಸಹ ಠೇವಣಿ ಮರುಪಾವತಿಸಲಾಗುವುದು.

ಚುನಾವಣೆಗೆ ಸ್ಫರ್ಧಿಸಿದ ಎಷ್ಟು ಅಭ್ಯರ್ಥಿಗಳು ತಮ್ಮ ಠೇವಣಿಗಳನ್ನು ಉಳಿಸಿಕೊಳ್ಳುತ್ತಾರೆ ಎಂಬುವದು ದಿ. 13 ರಂದು ಸ್ಪಷ್ಟವಾಗಿ ಗೊತ್ತಾಗಲಿದೆ.